டிராகன் பழத்தின் நன்மைகள்

டிராகன் பழம்

Benefits of Dragon Fruit | Health

ஒரு காலத்தில் பலருக்கு அறிமுகம் இல்லாத, இன்று பழக்கடைகளில் பார்ப்பதற்கு வித்தியாசமாக இருக்கின்ற ஒரு பழத்தை அனைவரும் பார்த்திருப்போம்.

அதுபோல பார்ப்பதற்கு வித்தியாசமாக இருக்கிறதே, இது என்ன பழமாக இருக்கும் என்றும் யோசித்திருப்போம்.

அப்படிப்பட்ட டிராகன் பழத்தை பற்றி சில நல்ல தகவல்களை தெரிந்துகொள்ளலாம்.

பொருளடக்கம்

டிராகன் பழம்
டிராகன் பழத்தில் உள்ள சத்துக்கள்
டிராகன் பழத்தின் மருத்துவக்குணங்கள்

டிராகன் பழம்

"டிராகன் பழம்" என அனைவராலும் அழைக்கக்கூடிய பார்ப்பதற்கு சப்பாத்தி கள்ளி பழத்தினை போல இருக்கும் ஒரு வகையான பழம்.

இது பார்ப்பதற்கு டிராகனை போன்ற உடலமைப்பை கொண்டிருப்பதால், இதை டிராகன் பழம் என அழைக்கின்றனர்.

இப்பொழுது அதிகமான பழக்கடைகளிலும், குளிர்பானங்கள் விற்கக்கூடிய கடைகளிலும் இந்த பழத்தை பார்த்து இருப்பீர்கள்.

இந்த பழம் கற்றாழை குடும்பத்தை சார்ந்த கொடி போன்ற ஒட்டுயிர் தாவரம் ஆகும்.

டிராகன் பழம்

டிராகன் பழத்தின் செடியானது பார்ப்பதற்கு சப்பாத்திக்கள்ளி போன்றே இருக்கும்.

இந்த பழம் பார்ப்பதற்கு அடர் சிவப்பு நிறத்திலிருக்கும். அதன் மீது பச்சை நிறத்தில் பல செதில்களையும் கொண்டிருக்கும்.

இந்த பழத்தின் உள்ளே சிவப்பு அல்லது வெள்ளை நிறத்தில் இனிப்பான கூழ் மற்றும் கருப்பு வண்ணத்தில் சிறுசிறு விதைகளையும் கொண்டிருக்கும்.

இந்த டிராகன் பழமானது வெப்பமண்டலப் பகுதிகளில் அதிகமாக பயிரிடப்படுகிறது.

ஒவ்வொரு பழமும் சராசரியாக 700 முதல் 800 கிராம் எடையை கொண்டிருக்கும்.

இந்த பழம் பார்ப்பதற்கு வித்தியாசமாக இருந்தாலும், மிகவும் நன்மை தரக்கூடிய பழமாகும்.

டிராகன் பழம்

டிராகன் பழத்தில் உள்ள சத்துக்கள்

இந்த பழத்தில் பல்வேறு சத்துக்கள் நிறைந்துள்ளன. இதை சாப்பிடும் பொழுது, நமது உடல் ஆரோக்கியமானதாகவும், சீராகவும் செயல்பட உதவுகிறது.

கால்சியம்,
பாஸ்பரஸ்,
வைட்டமின் பி, சி, ஈ,
இரும்புச்சத்து,
மெக்னீசியம்,
நார்ச்சத்து,
ஒமேகா -3 , 6.

டிராகன் பழத்தின் மருத்துவக்குணங்கள்

இந்த பழம் பார்ப்பதற்கு வித்தியாசமாகவும், கரடுமுரடாக இருந்தாலும், உள்ளே மென்மையாகவும் சுவையாகவும் இருக்கும்.

அதுமட்டுமின்றி ஆரோக்கியமானதும் கூட.இந்த பழம் உடலுக்கு மிகுந்த குளிர்ச்சி தரக்கூடியது.

டிராகன் பழம்

சருமம்

அதுமட்டுமில்லாமல், இந்த பழம் நமது உடலுக்கு மட்டுமின்றி நமது சருமத்திற்கும் மிகவும் நன்மை அளிக்கக்கூடியது.

டிராகன் பழத்தில் உள்ள சத்துக்கள், உடலில் உள்ள செல்களை புதுப்பிக்கும். அதுமட்டுமின்றி, உடலில் உள்ள காயங்கள், தீயினால் ஏற்பட்ட காயங்கள் என அனைத்தையும் சரிசெய்யும்.